जनसंख्या खूब बढ़ावत हयं
देशवा कय बोझ बढावत हयं
केतनो समझावां हय इनकय
ऊपर कय देन बतावत हयं।
तन ढकले कय कपड़ा नाइ
चौथी मेहरारू लावत हयं
ललुआ कय कपड़ा फाटी गइल
कलुआ कय पैंट चिढावत हय।
अहली कय चप्पल टूट गइल
भुइली से भीख मंगावत हय
चिनिया घुइली सोनुआ रमुआ
स्कुली में उधुम मचावत हय।
कापी किताब कछुअय नाइ
मस्टरवय काल पढ़ावत हयं
छोटुआ कर मा चढ़ल हवय
ढिढा कय भार बतावत हय।
मोदी जी अब तू ध्यान धरव
सब फिल्मी गाना गावत हय
जनसंख्या खूब बढ़ावत हयं
बस देशवा कय बोझ बढावत हयं।
©® डॉ० नरेन्द्र कुमार पटेल'साहिल सुमन'
मौलिक (स्वरचित)
सर्वाधिकार सुरक्षित
No comments:
Post a Comment